Michael Carrick azakomeza kuba umutoza wa Manchester United nyuma yo kwitwara neza muri iyi kipe nk’uko byatangajwe ku n’umunyamakuru uzwi ku isi mu gutangaza amakuru y’igura n’igurisha mu mupira w’amaguru Fabrizio Romano.
Uyu munyamakuru yatangaje ko Michael Carrick ahabwa amasezerano y’imyaka ibiri ariko ishobora kongerwaho umwaka umwe cyangwa agahabwa imyaka 3 ako kanya, kandi ngo ntateganya kuyanga.
Ubuyobozi bwa Manchester United bwamaze kwemeza ko Michael Carrick agomba gukomezanya n’iyi ndetse n’umuherwe Sir Jim Ratcliffe yabyemeje.
Michael Carrick yageze muri Manchester United muri Mutarama uyu mwaka asimbuye Rube Amorim.
Carrick yasanze iyi kipe iri ku mwanya wa 7 muri Shampiyona ariko arayizamura igera ku mwanya wa gatatu ndetse yamaze kubona itike yo kuzakina imikino ya UEFA Champions League nyuma y’imyaka 2 itabona itike.
Kuva Carrick yagera muri Manchester United amaze gutoza imikino 14, yatsinze imikino 10 harimo iyo yatsinze Manchester City, Arsenal, Liverpool na Chelsea, yanganyije imikino 3, atsindwa imikino 2 gusa.
Kuva Carrick yagera muri Manchester United nk’umutoza w’umusigire ugomba gurangiza umwaka w’imikino gusa, ntamutoza n’umwe wo muri Premier League wabonye amanota menshi kumurusha.
Carrick yagiye yibazwaho kenshi niba koko bamureka ikipe akayigumana ariko hakabaho gushidikanya n’ubwo imibare afite imuvugira.
What do you feel about this post?
Like
Love
Happy
Haha
Sad
