Ikipe ya USM Alger yo muri Algérie yegukanye igikombe cya CAF Confederation Cup nyuma yo gutsinda Zamalek yo mu Misiri kuri Penaliti 8-7 nyuma y’uko amakipe yari yanganyije igitego 1-1.
Kuri uyu wa gatandatu tariki 16 Gicurasi 2026 nibwo hakinwe umukino wo kwishyura wa nyuma wabereye mu Misiri hagati ya Zamalek na USM Alger.
Umukino ubanza wari wabereye muri Algérie wari warangiye USM Alger itsinze igitego 1-0.
Mu mukino wo kwishyura, Zamalek yabonye igitego cyo kwishyura icyo yatsinzwe mu mukino ubanza hakiri kare cyane, ku munota wa 5 w’umukino, Oday Dabbagh yafunguye amazamu kuri penaliti, ubwo amakipe yombi anganya igitego 1-1 mu mikino yombi.
Umukino waje kurangira uku bituma hiyambazwa penaliti kuko amakipe yombi yanganyaga.Mu gutera penaliti, abakinnyi bose bazitsinze ku mpande zombi uretse Mohamed Shehata wahushije penaliti ya 8 ya Zamalek bituma iyi kipe itsindwa penaliti 8-7 nyuma y’uko Glody Likonza atsinze penaliti ya 8 ya USM Alger.
Iki kibaye igikombe cya kabiri cya CAF Confederation Cup USM Alger itwaye mu mateka yayo nyuma y’icyo yatwaye bwa mbere muri 2022/23.
What do you feel about this post?
Like
Love
Happy
Haha
Sad
