Umugaba Mukuru w’Ingabo za Pakistan, Asim Munir, yagiriye uruzinduko muri Iran rwetezweho kuganirirwamo, ingingo zikomeye zikomeje gutuma Leta zunze Ubumwe za Amerika na Iran batagera ku masezerano y’amahoro yo guhagarika intambara.
Munir yageze muri Iran kuri uyu wa Gatanu tariki 22 Gicurasi 2026 yakirwa mu cyubahiro arinzwe bikomeye. Igihugu cya Pakistan gikomeje gukora nk’umuhuza hagati ya Amerika na Iran kugira ngo harebwe ko amahoro arambye yaboneka.
Abasesenguza bakurikiranira iyi ntambara hafi, bavuga ko uru ruzinduko rwa Munir muri Iran rugamije kugabanya intera nini ikomeje kugaragara hagati ya Amerika na Iran mu biganiro byo guhagarika intambara.
Umunyabanga wa Leta Zunze Ubumwe za Amerika, Marco Rubio, yagaragaje ko n’ubwo ibiganiro bikomeje nta kizere biri gutanga kuko bari kuganira n’abantu bagoye.
Yagize ati “Ibiganiro birakomeje, gusa ntaho turagera kuko turi kuganira n’abantu bagoye”.
Ku wa Kane tariki 21 Gicurasi 2026, Perezida wa Amerika, Donald Trump, yatangaje ko intego bafite muri iyi ntambara bagomba kuyigeraho byanyura mu biganiro cyangwa mu ntambara.
Intego ikomeye ya Amerika muri iyi ntambara ni ukubuza Iran gucura intwaro kirimbuza za “nucléaire”, ibintu Iran itemera ikavuga ko ibifitiye uburenganzira.
Byitezwe ko Munir aganira kuri iyi ngingo n’abayobozi ba Iran ndetse n’umuhora wa Hormuz ukomeje gufungwa hagamijwe kubishakira ibisuzo.
Ku wa 18 Gicurasi 2026, Iran yohereje ibisubizo bivuguruye ku ngingo 14 Amerika yari yayoherereje kugira zubakirweho ibiganiro, ariko na byo Amerika aribinenga ivuga ko bidahuye n’ibyo yifuza.
Kuri ibi Al Jazeera yatangaje ko, Iran yanze kuva ku izima ku bikorwa byayo byo gutunganya “Iranium” Amerika ivuga ko bigamije kubaka intwaro kirimbuzi, ndetse ko itagraraza neza uburyo umuhora wa Hormuz uzajya ukoreshwa mu nyungu rusange hamwe n’umutekano w’Akarere.
Amerika ishinja Iran kwirengagiza ingingo nkuru zakabaye zubakirwaho ibiganiro kugira ngo intambara ihagarare, Iran ikavuga ko harimo kwifuza guhambaye ku ruhande rwa Amerika.
What do you feel about this post?
Like
Love
Happy
Haha
Sad
