Cristiano Ronaldo yongeye gutakaza igikombe mu ikipe akinira ya Al Nassr yo muri Saudi Arabia nyuma y’uko itsinzwe na Gamba Osaka yo mu Buyapani igitego 1-0 ku mukino wa nyuma wa AFC Champions League Two.
Uyu mukino wakinwe mu ijoro ryo kuri uyu wa gatandatu tariki 16 Gicurasi 2026, wabereye i Riyadh muri Alawwal Park, Sitade Al Nassr isanzwe ikiniraho.
Iri rushanwa aya makipe yahataniraga ni irushanwa rihuza amakipe yabaye aya kabiri iwayo ku mugabaye w’Aziya, mbese ryagereranywa na UEFA Europa League yo ku mugabane w’Uburayi cyangwa CAF Confederation Cup yo muri Afurika.
Iki kibaye igikombe cya kane Cristiano Ronaldo aburiye ku mukino wa nyuma ari mu ikipe ya Al Nassr.
Nyuma yo gutsindwa uyu mukino, Cristiano Ronaldo ntiyigeze ategereza gufata umudari wa feza uhabwa ikipe yabaye iya kabiri ahubwo yigendera.
N’ubwo Al Nassr itabashije gutwara iki gikombe ariko iracyafite urugamba rwo guhatanira igikombe cya Shampiyona y’uyu mwaka aho kugeza ubu rugeretse yo na Al Hilal muri Saudi Pro League.
Kugeza ubu Al Nassr ni iya mbere n’amanota 83, ikarusha Al Hilal amanota 2 gusa kandi hasigaye umukino umwe.
What do you feel about this post?
Like
Love
Happy
Haha
Sad
