Abantu bane baguye mu mpanuka yabereye mu myigaragambyo yakozwe n’urubyiruko rwo muri Kenya ku wa 18 Gicurasi 2026 mu muhanda munini wa Thika uhuza Umurwa Mukuru Nairobi n’agace kahariwe inganda ka Thika.
Uru rubyiruko ruri kwigaragambya rwamagana izamuka rikabije ry’ibiciro by’ibikomoka kuri peteroli.
NTV Kenya yanditse ko impanuka yabereye i Kimbo muri Riuru ku munda munini wa Thika.
Imyigaragambyo yaranzwe n’ibikorwa by’urugomo birimo kwangiza ibikorwaremezo, inyubako n’imodoka z’abantu ku giti cyabo no guhangana n’abapolisi.
Ku wa 14 Gicurasi 2026, ni bwo Urwego rushinzwe kugenzura ingufu n’ibikomoka kuri petelori, EPRA, rwatangaje ko ibiciro by’ibikomoka kuri peteroli byazamutse aho ibya lisansi byiyongereyeho amashilingi 16,65 bigera ku mashilingi 214,25 mu gihe litiro ya mazutu yo yiyongereyeho amashilingi 46,29 bituma igiciro cyayo kigera ku mashilingi 242,92.
Mu ijoro ryo ku wa 17 rishyira ku wa 18 Gicurasi 2026, nibwo abatwara abagenzi batangiye ibikorwa byo kwigaragambya binyuze mu guhagarika akazi.
What do you feel about this post?
Like
Love
Happy
Haha
Sad
