Itsinda ry’Igihugu ry’Igitaramo gakondo Urukerereza ryitabiriye iserukiramuco rya Jerash Festival for Culture and Arts, ibirori bikomeye by’umuco bibera buri mwaka mu mujyi wa kera wa Jerash, mu murwa mukuru wa Jordanie, Amman.
Iyi ni inshuro ya mbere iri torero ryitabiriye igitaramo mu karere ka Levant y’amajyepfo mu Burengerazuba bwa Aziya.
Iri serukiramuco riri kuba ku nshuro ya 39, ryatangiriye ku wa Gatatu, tariki ya 23 Nyakanga 2025, rikazageza ku wa 2 Kanama. Rigamije guteza imbere ibikorwa by’umuco muri Jordanie. Ryatangiye mu 1981 rishingiwe n’umwamikazi Noor, rikaba ryarakiriye ibitaramo bitandukanye by’abahanzi ba Jordanie, abo mu bihugu by’Abarabu ndetse n’abo ku rwego mpuzamahanga.
Ni iserukiramuco rizagaragaramo imbyino z’ibisigo by’umuco gakondo zikorwa n’amatsinda yo mu gihugu imbere n’ayo hanze, baleyi, ibitaramo, umukino wa theater, opera, abahanzi bakunzwe n’imurikagurisha ry’ubukorikori gakondo, byose bikabera mu nsigamugani y’ahantu h’amateka hasigaye hasigaye ahazwi nk’ibisigazwa bya Jerash.
Masamba Intore, umutoza w’Urukerereza, yatangaje ko itsinda ryiteguye neza kwerekana umuco nyarwanda binyuze mu mbyino gakondo zitandukanye cyane cyane Guhamiriza na Gushagirira, ndetse n’ingoma nka zimwe mu ndangagaciro zigaragaza umuco nyarwanda ku rwego mpuzamahanga.
Yagize ati: “Twazanye Intore, ingoma n’abakobwa babyina Imishagiriro. Binyuze mu mbyino zacu, dutangaza amateka y’u Rwanda rwo hambere n’urwa none. Turushaho gushyira imbaraga mu kwamamaza ingoma zacu kugira ngo zemerwe na UNESCO.”
Urukerereza kandi ruzaririmba mu gitaramo cy’ijoro cy’umuco nyarwanda kizategurwa na Ambasade y’u Rwanda i Amman ku wa 28 Nyakanga, hagamijwe kwizihiza umuco, umuziki, ubwiza n’umudiho nyarwanda.
Shami Ngarambe, umunyamabanga wihariye mu biro by’Ambasaderi, yatangaje ko abatumirwa bakomeye bazitabira icyo gitaramo barimo abahagarariye ibihugu, abafatanyabikorwa n’inshuti z’u Rwanda.
What do you feel about this post?
Like
Love
Happy
Haha
Sad
