Abigaragambya muri Ghana bakomeje guhura n’uruva gusenya

Abarenga 100 bashyigikiye Perezida mushya wa Ghana, John Mahama batawe muri yombi bashinjwa ibikorwa by’urugomo.

Aba bateye ibigo bitandukanye bya Leta, basahura imitungo, banahangana n’Abapolisi n’Abasirikare.

Aba kandi banateye ibiro 2 bya Komisiyo y’Amatora, bashinja iyi komisiyo ngo gutinda gutangaza ibyavuye mu matora yabaye ku wa Gatandatu w’Icyumweru gishize.

Bavuga kandi ko batemera bimwe mu byavuye mu matora y’Abagize Inteko Ashinga Amategeko.

Perezida watowe, John Mahama yamaganye ibi ibikorwa asaba Perezida ucyuye igihe Nana Akufo-Addo n’inzego z’umutekano kwihutira guhagarika ibi ibikorwa by’urugomo.

Ni mu gihe kandi Bawumi bari bahanganye akaza gutsinzwa, yasabye Perezida Mahama, gusaba abayoboke be guhagarika ibyo bikorwa by’urugomo.

Perezida John Mahama yatsinze aya matora n’amajwi 56.55%, mu gihe mukeba we Mahamudu Bawumia, wari usanzwe ari na Visi Perezida yabonye amajwi 41.01%.

Ni mu gihe kandi ishyaka rya Mahama, National Democratic Congress (NDC) ryegukanye imyaka 186 mu Nteko Ishinga Amategeko mu gihe ishyaka rya NPP ryegukanye imyaka 76.

Abandi bigenga begukanye imyanya 4, kuri ubu hategerejwe ko hatangazwa indi myaka 10 yo mu Nteko Ishinga Amategeko ya Ghana.