Umwana w’imyaka 16 ari mu munyenga w’urukundo n’umukobwa w’imyaka 26

Umukobwa witwa Keyanna Beverly w’imyaka 26 y’amavuko, yateje impaka ku mbuga nkoranyambaga nyuma yo gushyira hanze amafoto ari kumwe n’umuhanzi w’injyana ya Hip Hop, Lil Woad, w’imyaka 16 y’amavuko, bivugwa ko bari mu rukundo. Aba bombi batuye mu Mujyi wa Washington muri Leta Zunze Ubumwe za Amerika, aho gukundana ku myaka 16 byemewe n’amategeko.

Inkuru yabo yabaye kimomo nyuma y’uko Keyanna yashyize amafoto ku mbuga nkoranyambaga ze nka Facebook na X [yahoze ari Twitter], yerekana ko arimo gucyura uyu muhungu nyuma y’amasomo ku ishuri. Amwe muri ayo mafoto agaragaza uyu muhungu ateruye Keyanna, bakundana bisanzwe, bigaragara ko baryohewe n’ubuzima bari barimo.

Nubwo uyu mukobwa akomeje kugerwa amajanja na benshi bavuga ko ashaka kwamamarira kuri uyu mwana kandi ashobora no kuba atanamukunda by’ukuri, Keyanna yahakanye ibyo bamushinja. Yavuze ko urukundo rwabo rushyigikiwe n’ababyeyi ba Lil Woad, ndetse ko banakora ibishoboka byose ngo babafashe gukomeza kuba hamwe.