Urukiko rwategetse ko Yampano afungwa iminsi 30 Y’agateganyo.

Urukiko rw’Ibanze rwa Kicukiro rwategetse ko Uworizagwira Florient alias Yampano afungwa iminsi 30 y’agateganyo muri gereza ya Mageragere.

Urukiko rwasomeye mu ruhame umwanzuro w’urubanza, Ubushinjacyaha bukurikiranyeho Yampano.

Ku itariki 9 Kamena 2026 nibwo Urukiko rwasuzumye impamvu zikomeye zishingiye ku bimenyetso bishobora gushingirwaho mu guhabwa iminsi 30 y’agateganyo.

Ku cyaha cyo gukoresha ibikangisho n’icyaha cy’ifungirana ry’umuntu bitemewe n’amategeko. Urukiko rwavuze ko nta bimenyetso bihagije bihari byagezweho mu iperereza.

Icyaha cy’ubwinjiracyaha mu cyaha cy’ubwicanyi, Urukiko rwavuze ko nta mpamvu zihari zatuma agikurikiranwaho.

Urukiko rwavuze ko Uwineza Diane atigeze akomereka bihagije kuko nta mugambi Yampano yari afite wo kumwica.

Iyo aza kuba afite umugambi yari kuwugeraho ntabwo yamugiriye nabi. Urukiko rusanga icyo cyaha nta mpamvu zikomeye zituma agikurikiranwaho.

Urukiko rwavuze ko icyaha cyo gukomeretsa ku bushake hari impamvu zikomeye zagezweho zirimo raporo y’inzego z’ibanze, ubuhamya bw’Uwineza Diane ndetse na raporo yo kwa muganga yerekana ko yivuje ibikomere.

Icyaha cyo gukoresha urumogi, Urukiko rwavuze ko hari impamvu zikomeye kuko hari ibipimo bya 166 ng kandi nawe ubwe yabyemeye. Ku cyaha cyo kwangiza ikintu cy’undi nacyo hari impamvu zikomeye zituma agikurikiranwaho.

Urukiko rwategetse ko afungwa iminsi 30 y’agateganyo muri gereza ya Mageragere. N’uko rwasomwe mu ruhame, Yampano afite iminsi 30 yo kujuririra icyemezo.

Yampano akurikiranyweho ibyaha bitatu; Gukubita no gukomeretsa ku bushake, gukoresha urumogi n’icyaha cyo kwangiza ikintu cy’undi.

Ni mu gihe ibyaha bitatu habuze ibimenyetso bifatika;ubwinjiracyaha ku cyaha cy’ubwicanyi, guhoza ku nkeke uwo bashyigiranywe n’icyaha cy’ifungirana ry’umuntu.