Rutsiro: Umukozi wa REG yishwe n’umuriro w’amashanyarazi

Umukozi w’Ikigo cy’Igihugu gishinzwe ingufu REG ishami rya Rutsiro, yapfuye yishwe n’amashanyarazi.

Amakuru agera kuri Rwandanews24 avuga ko Uwiringiyimana Japhet, wari umukozi wa REG yapfuye yishwe n’amashanyarazi, kuri uyu wa kabiri, tariki 20 Gashyantare 2024.

Ibi byabereye mu murenge wa Musasa, mu masaha ashyira saa 15:00′ ubwo uyu mukozi yari mukazi umuriro w’amashanyarazi ukamufata, agahita ashiramo umwuka.

Kayitesi Dative, Umuyobozi w’akarere ka Rutsiro yahamije aya makuru.

Ati”Nibyo koko yitabye Imana, yari umukozi wa REG, aho byabaye ubwo yari mu kazi.”

Umurambo wa nyakwigendera wahise ujyanwa mu bitaro bya Murunda, ngo ukorerwe isuzuma mbere y’uko ushyingurwa.