Police VC yabaye ikipe ya mbere yo mu Rwanda yageze ku mukino wa nyuma wa Shampiyona Nyafurika ya Volleyball ihuza amakipe yabaye aya mbere iwayo, nyuma yo gutsinda REG VC amaseti 3-1 (25-20, 22-25,25-17,25-21).
Uyu mukino wa ½ wari utegerejwe cyane wabaye ku wa Gatanu, tariki ya 1 Gicurasi 2026 muri BK Arena.
Police VC yatangiye umukino neza cyane itsinda amanota menshi ariko ikinyuranyo ari gito. Iyi kipe yatsinze iseti ya mbere ku manota 25-20.
REG VC yagiye mu ya kabiri yariye karungu, iyiyobora igihe kinini ndetse iyegukana ku manota 25-22.
Mu iseti ya gatatu Ikipe ya Polisi y’Igihugu yongeye gutsinda amanota menshi ibifashijwemo na Matheus Bettim na Makuto Elphas. Iyi kipe yegukanye iseti ya gatatu iyitsinze ku manota 25-17.
Polisi yagiye mu iseti ya kane isabwa kuyitsinda ikegukana intsinzi, mu gihe REG kwari ugusubiza umukino irudubi.
Iyi seti amakipe yagendanye mu manota ariko ageze muri 17, REG itagira kugorwa na blocks za Shyaka, mu gihe ku rundi ruhande Makuto yatsindaga amanota.
Iyi seti Police yayegukanye ku munota 25-21 bityo umukino urangira yatsinze REG amaseti 3-1 (25-20, 22-25,25-17,25-21).
Police VC yakoze amateka yo kuba ikipe ya mbere yo mu Rwanda yageze ku mukino wa nyuma w’iri rushanwa. Mu 2022, Gisagara VC yegukanye umwanya wa gatatu.
Ku mukino wa nyuma uteganyijwe ku wa Gatandatu, tariki ya 2 Gicurasi 2026, Police VC izahura n’iva hagati ya Al Ahly na Petrojet zo mu Misiri.
Ku mukino wa nyuma uteganyijwe ku wa Gatandatu, tariki ya 2 Gicurasi 2026, guhera Saa 20:00, Police VC izahura na Al Ahly yo mu Misiri, yo yatsinze Petrojet SC y’iwabo amaseti 3-0 (20-25, 15-25, 16-25).
What do you feel about this post?
Like
Love
Happy
Haha
Sad
