Ikigo cy’ikoranabuhanga cya Google cyaburiye abokoresha serivisi yacyo ya Gmail, kwirinda gusubiza ubutumwa bubasaba gutanga ijambobanga (passwords) rya konti zabo za Gmail.
Iki kigo cyasobanuye ko abasaba aya makuru ari abatekamutwe, ndetse bageze ku makuru y’abantu barenga miliyari ebyiri binyuze mu makuru bibye ikindi kigo cyakoranaga na Google cya Salesforce.
Iki kigo cyavuze ko amakuru aba bajura babonye ari ay’ibanze ariyo mpamvu bari gukoresha ubutekamutwe bwo kwiyita impuguke mu bijyanye n’ikoranabuhanga kugira ngo babone amakuru ahagije.
Itangazo Google yashyize hanze rivuga ko “Ubu buryo bushya buri gushyira igitutu ku bantu cyane cyane abakoreshaga uburyo bucungwa na Salesforce.”
Iki kigo cyasabye ko abantu batangira guhindura ijambobanga ryabo, no gukoresha uburyo bwo kurinda amakuru yawe buzwi nka ‘two-factor authentication’.
What do you feel about this post?
Like
Love
Happy
Haha
Sad
