Iperereza ryakozwe ku mpanuka ya kajugujugu yari itwaye Perezida Ebrahim Raisi wa Iran ryagaragaje ko iyi mpanuka yatewe n’ikirere kibi.
Iyi mpanuka yabaye tariki ya 19 Gicurasi 2024 ubwo Raisi yari avuye mu ruzinduko rw’akazi muri Azerbaijan y’Iburasirazuba, imwe mu ntara za Iran.
Kajugujugu yarimo Perezida Raisi n’abandi bayobozi barindwi, yaguye mu misozi ikomeye, ari naho bose bahise bahasiga ubuzima.
Raporo y’iperereza yagaragaje ko ikirere cyari kibi cyane, by’umwihariko ubwo kajugujugu yageraga mu gace k’imisozi, abayitwaye ntibabasha kureba neza imbere, bigatuma igonga umusozi.
Iperereza ryavuze ko nta kimenyetso cyerekana ko kajugujugu yaba yarahanuwe nk’uko byari bikekwa na bamwe. Ibi byemejwe ko ari impanuka yatewe n’imiterere mibi y’ikirere.
What do you feel about this post?
Like
Love
Happy
Haha
Sad
