NEWS
Abagerageje gukura Tshisekedi ku butegetsi bavuze uko binjiye mu ngoro ye
Abagerageje igikorwa cyo gukura Perezida Félix Tshisekedi ku butegetsi bwa Repubulika Iharanira Demokarasi ya Congo, basobanuye ko binjiye mu ngoro y’Umukuru w’Igihugu, nta muntu n’umwe ubakomye mu nkokora
Mu buhamya abagera kuri 51 bakurikiranweho uruhare muri iki gikorwa cyabaye tariki ya 19 Gicurasi 2024, umwe muri bo, Yusufu Ezangi, yasobanuye ko yamenyanye na Christian Malanga mu 2017, nyuma aza kumwinjiza mu muryango yise ‘New Zaïre’, icyakoze ngo mbere ntiyari azi intego yawo.
Ezangi yasobanuye ko yatangiye kumenya Christian Malanga mu 2017, akaza kumwinjiza mu muryango witwa ‘New Zaïre’ n’ubwo atari azi intego zawo neza. Kuri iyo tariki y’amahano, we na bagenzi be bari bafite umugambi wo gufata Minisitiri w’Ubukungu Vital Kamerhe, bakamujyana ku ngoro y’Umukuru w’Igihugu kugira ngo atange itangazo ryihariye.
Yabwiye urukiko ko ubwo bageraga ku rugo rwa Kamerhe, babanje ku rugo rwa Jean-Pierre Bemba wari Minisitiri w’Ingabo, ariko basanga atariyo. Bagiye ku ngoro y’Umukuru w’Igihugu bageze ku ngoro nta nkomyi, Jeep ya Malanga igenda yambuka bariyeri zose.
Ubwo bari bavuye kwa Kamerhe, ngo bagiye ku ngoro y’Umukuru w’Igihugu. Ati “Jeep ya Malanga yanyuze kuri bariyeri zose, yinjira mu ngoro y’Umukuru w’Igihugu nta muntu uyikumiriye. Yavuze ngo ‘Birabaye, dufashe ubutegetsi’.”
Ezangi yashinjwe kuba umuhuzabikorwa wa New Zaïre, akayishakira abarwanyi bashya ndetse no kugira uruhare mu rupfu rw’abapolisi babiri barindaga urugo rwa Kamerhe.
Urubanza ruri gukurikiranwa n’urukiko rukuru rwa gisirikare muri gereza ya gisirikare ya Ndolo, rukaba ruzakomeza tariki ya 5 Nyakanga 2024.