ibi bitero bya drone bikaba byagabwe ku masoko abiri yitwa Abu Zabad na Wad Bandayo yo mu burengerazuba bwa leta ya Kordofan bikaba byahitanye abagera kuri 33 abandi bagakomereka.
Amakuru dukesha france24 aravuga ko intambara hagati y’ingabo za Leta n’abarwanyi b’umutwe wa Rapid Support Forces yakaze cyane mu gace ka Kordofan kazwiho kuba gafite Amabuye y’agaciro.
Ibitero byagabwe ku masoko ya Abu Zabad na Wad Banda. Umuganga wo mu Bitaro bya Abu Zabad, bike mu bigitanga serivisi muri aka gace, yavuze ko hari abantu 59 bakomerekeye muri iki gitero. Yavuze ko 30 muri bo bagihabwa ubuvuzi.
Umuturage witwa Hamad Abdullah yavuze ko yagize uruhare mu gushyingura abantu 20 nyuma y’ibitero bya drones za leta byagabwe mu mujyi wa Abu Zabad.
Ati “Bane muri bo bari abo mu muryango wanjye bakoraga mu isoko.”
Umwe mu bagize igisirikare yahakanye ibi birego avuga ko Leta itarasa ku baturage.
Intambara imaze imyaka hafi itatu ihanganishije ingabo za Leta n’iza RSF yahitanye benshi ndetse abarenga miliyoni 11 bava mu byabo. Loni ihamya ko iyi ntambara ari yo yavanye abantu benshi mu byabo kandi igateza inzara mu baturage.
What do you feel about this post?
Like
Love
Happy
Haha
Sad
