Igisirikare cya Afurika y’Epfo (SANDF) gikomeje ibikorwa byo gucyura ibikoresho n’abandi basirikare bari baroherejwe mu butumwa muri Repubulika Iharanira Demokarasi ya Congo (RDC), nk’uko byemejwe n’ikinyamakuru cyo Mail & Guardian cyo muri Afurika y’Epfo.
Byamenyekanye ko kuva ku wa 14 Nzeri 2025, indege ya Boeing 737 na Il-76 za SANDF zakoreshejwe mu gutwara ibikoresho ndetse n’ingabo kuva i Lubumbashi n’i Kinshasa bajya i Pretoria muri Afurika y’Epfo.
Uku gucyura aba basirikare bandi bije mu gihe hari ukutumvikana hagati ya SANDF n’ishyirahamwe ry’Ingabo za Afurika y’Epfo bapfa uduhimbazamusyi tutishyuwe ku basirikare boherejwe mu butumwa muri RDC.
Umwanzuro wo gukura ingabo za Afurika y’Epfo muri RDC, wafashwe muri Werurwe uyu mwaka, mu gihe ibikorwa byo kuzicyura byatangiye nyir’izina muri Gicurasi, aho umubare munini wazo ndetse n’ibikoresho zakoreshaga, zanyuze mu Rwanda zisubira muri Afurika y’Epfo.
What do you feel about this post?
Like
Love
Happy
Haha
Sad
