Rayon Sports idafite Hertiel Luvumbu Nzinga Ukuguru kumwe igushyize muri 1/2.

Nyuma yogutandukana na Hertiel Luvumbu Nzinga, Rayon Sports yatsinze Vision FC ibitego 2-0 mumukino ubanza wa 1/4 mugikombe cy’amahoro waberaga I Nyamirambo kuri Stade Umumena.

Itangazo rihagarika Luvumbu amezi atandatu

Ikipe ya Rayon Sport yari yabanje mukibuga abarimo: Khadime Ndiaye, Mitima Isaac, Nsabimana Aimable, Ganijuru Elie, Bugingo Hakim, Kalisa Racid, Kanamugire Roger, Tuyisenge Arsene, Charles Bbaale.

Igice cyambere cyarangiye Amakipe yombi anganya 0-0, igice cyakabiri kigitangira Rayon Sport yatimbuye Vision FC itaratangira gufata imyanya neza kumunota wa 48 kumupira mwiza watanzwe n’Umugande mpuzamahanga Charles Bbaale maze Tuyisenge Arsene ahita yandika igitego cyambere cya Rayon Sport 1-0

.

Kumunota wa 60 Rayon Sport yaje gutsinda ikindi gitego kumupira w’umuterekano wa Kufura (Coup franc), watewe neza na Myugariro w’ibumoso Bugingo Hakim wahoze akinira ikipe ya Gasogi Utd mumwaka ushize w’imikino maze Rayon Sport ikomeza kuyobora umukono kubitego 2-0.

Umukinnyi Muhire Kevin yajujubije abakinnyi ba Vision

Amakipe yombi yakomeje gukina ariko bizakurangira ntakindi gitego kibonetse muri Uyu mukino, Rayon Sports imaze imikino 5 yikurikiranya itsinda mu marushanwa yose bwa mbere kuva mu kwezi kwa Kanama 2023.

Taliki 17 Gashyantare 2024 Rayon Sports irasura ikipe ya Etoile  De L ‘Est y’i Ngoma (Kibungo) muntara y’iburasirazuba mumukino wa Shampiyona y’icyiciro cyambere mu Rwanda.