RIB yafunze Emelyne na bagenzi be

Urwego rw’Igihugu rw’Ubugenzacyaha (RIB) rwatangaje kuri uyu wa mbere tariki ya 20 Mutarama 2025 ko rwataye muri yombi abantu 9, barimo Kwizera Emelyne uzwi cyane kubera gukina muri filime Ishanga. Aba bantu bakurikiranyweho gusakaza amashusho agaragaza ibikorwa by’imibonano mpuzabitsina.

Dr. Murangira B. Thierry, Umuvugizi wa RIB, yavuze ko aba bantu 9 bari bagize itsinda rigizwe n’abakobwa batandatu n’abasore batatu, bakoranaga ku rubuga rwa WhatsApp rwitwa Rich Gang. Bafashwe ku wa 17 Mutarama 2025 nyuma y’icyumweru amashusho yabo akwirakwijwe ku mbuga nkoranyambaga.

Amwe mu mashusho yagaragaje aba bakobwa babanza kubyina bambaye utwenda duto cyane, bacugusa amabuno nta kariso bambaye. Hari n’aho umwe yumvikanye asaba mugenzi we gufata amashusho, akayafata bikarangira umwe muri bo yigaragaje yambaye ubusa.

Andi mashusho yagaragaje umwe muri aba bakobwa bivugwa ko yakoreshaga icupa mu buryo buteye isoni, mu gihe hari n’ayo babonekamo bakora imibonano mpuzabitsina ubwabo.

RIB yatangaje ko iperereza rikomeje kugira ngo hamenyekane abandi baba bari inyuma y’iki gikorwa kigayitse no gukurikirana abagikomeje gukwirakwiza ayo mashusho ku mbuga nkoranyambaga.