Abasirikare bagera kuri 23 ba FARDC bagejejwe mu rukiko bashinjwa guhunga M23

Abasirikare 23 ba FARDC bitabye urukiko kuva ku wa Mbere, itariki 30 Ukuboza 2024 imbere y’urukiko rwa gisirikare rwimukiye muri Gereza ya Butembo, muri Lubero-Centre, nibura mu bilometero 50 uvuye ku murongo w’imbere w’urugamba.

Nk’uko umuvugizi w’ibikorwa bya Sokola 1 Grand Nord abitangaza, ngo aba basirikare barwanya inyeshyamba za M23 mu karere ka Lubero bakurikiranyweho ibyaha bitandukanye nk’uko iyi nkuru dukesha Radio Okapi ivuga.

Ibyo byaha cyane cyane ni ukutubahiriza amabwiriza ya gisirikare, gutoroka, guhunga umwanzi ari we M23, ubujura no gushaka gufata ku ngufu.