Umunyamakuru Sandrine Isheja wa Kiss FM yaginzwe umuyobozi ukomeye muri RBA

Inama y’Abaminisitiri yateranye kuri uyu wa Gatanu tariki ya 23 Kanama 2024, iyobowe na Perezida wa Repubulika Paul Kagame, yafashe ibyemezo bitandukanye birimo gushyira Sandrine Isheja Butera ku mwanya w’Umuyobozi Mukuru Wungirije wa RBA (Rwanda Broadcasting Agency).

Sandrine Isheja Butera ni umunyamakuru uzwi cyane mu Rwanda, aho amaze igihe kinini mu mwuga w’itangazamakuru. Yatangiriye kuri Radio Salus ya Kaminuza y’u Rwanda mu mwaka wa 2008, akomereza kuri Isango Star na Kiss FM Rwanda, aho yamenyekanye cyane mu biganiro by’imyidagaduro n’ubumenyi rusange.

Sandrine azwi kandi mu kuyobora ibirori bikomeye ku rwego rw’igihugu, ndetse yari ari mu kanama nkemurampaka k’irushanwa rya Miss Rwanda 2018. Uretse ubuhanga mu mwuga we, azwiho kuba umuntu ukunda gusetsa ndetse akanga cyane abantu bamubeshya cyangwa abananiranye.

Uyu mwanya w’Umuyobozi Mukuru Wungirije wa RBA uha Sandrine amahirwe yo kuzamura urwego rwe mu buyobozi bw’itangazamakuru mu gihugu.