Abagabo bane bishwe n’inzoga y’inkorano bita Dodo

Abagabo bane mu Ntara ya Kayanza mu gihugu cy’u Burundi barapfuye mu ijoro ryo ku wa Kane rishyira ku wa Gatanu nyuma yo kunywa inzoga y’inkorano. Aba bari kumwe n’abandi bantu batatu.

Ibi byabereye mu murwa mukuru w’intara ya Kayanza (mu majyaruguru y’Uburundi). Inzoga nyirabayazana w’izi mpfu enye yitwa “Dodo vino” nk’uko iyi nkuru dukesha SOS Media Burundi ivuga.

Ngo ni inzoga urimo alcohol nyinshi cyane kandi iri ku rutonde rw’ibinyobwa bibujijwe mu Burundi. Abapfuye uko ari bane bakoraga nk’abazamu ku isoko ryo hagati mu ntara.

Abatangabuhamya bavuga ko abahohotewe bari kumwe n’abandi bantu batatu igihe barimo kwica inyota.

Ati: “Abapfuye bari baguze nyinshi ku mucuruzi washakaga kuzikuraho kubera gutinya ko hashobora gusakwa. Iyo icupa rishobora kugurwa amafaranga 3.500, yaribagurishije ku 1.500 gusa.”

Biravugwa ko abo bantu barindwi basangiye iki kinyobwa kitemewe aho bane bamaze gupfa.