Abanyamuryango ba FPR-Inkotanyi bahuriye i Burayi basabwa guhesha isura nziza igihugu cyabo

Abanyamuryango basaga 700 ba FPR-Inkotanyi baturutse mu bihugu butandukanye byo ku mugabane w’u Burayi bahuriye mu mwiherero wabereye mu mujyi wa Cologne mu gihugu cy’u Budage kuri uyu wa 30 Nzeri 2023. Uyu mwiherero wafunguwe n’umunyamabanga mukuru w’uyu muryango, Wellars Gasamagera wari uhagarariye perezida w’umuryango.

Gasamagera yabibukije ko ari intumwa z’u Rwanda, ababwira ko ubareba abona u Rwanda anabasaba gukomeza guhesha isura nziza igihugu cyabo.