Minisitiri wari ukomeye mu Rwanda yirukanywe ku mirimo ye

Ibiro bya Minisitiri w’Intebe byatangaje ko Minisitiri w’Abakozi ba Leta n’Umurimo, Dr Jeanne d’Arc Mujawamariya, yirukanywe ku mirimo ye.

Iri tangazo ryashyizwe ahagaragara kuri uyu wa Kane, tariki ya 25 Nyakanga 2024 mu masaha ya mugitondo, ntiryagaragaje impamvu yirukaniwe, gusa ryavuze ko hari ibyo agomba gusobanura.

Dr Mujawamariya aherutse kugirwa Minisitiri w’Abakozi ba Leta n’Umurimo, avuye ku mwanya wa Minisitiri w’Ibidukikije. Yakoze imirimo itandukanye muri Leta, harimo kuba Umunyamabanga wa Leta ushinzwe amashuri abanza n’ayisumbuye, Minisitiri w’Uburezi, Minisitiri w’Uburinganire n’Iterambere ry’Umuryango (MIGEPROF), ndetse yanabaye umwarimu muri Kaminuza y’u Rwanda. Yabaye kandi Umuyobozi w’iyahoze ari Kaminuza y’Ubumenyi n’Ikoranabuhanga (KIST) ndetse yanabaye Ambasaderi mu Burusiya.