M23 na FARDC bongeye gukozanyaho mu duce twa Karuba

Mu gitondo cyo kuri uyu wa Kabiri,tariki ya 30 Mat, imirwano ikomeye hagati ya M23 n’ihuriro ry’ingabo za Guverinoma ya RDC zirimo iza FARDC, FDLR, Ingabo z’u Burundi, Abacanshuro b’abazungu, SADC na Wazalendo yaramukiye muri Masisi.

Imirwano iri kujya mbere mu duce twa Karuba,Mushaki,Kagundu n’ahandi.

Amakuru avuga ko guhera saa kumi n’ebyiri za mu gitondo ziriya ngabo zunze ubumwe na FARDC arizo zabyutse zitera M23 hanyuma na M23 yirwanaho.

Ntabwo haherukaga kumvikana inkuru z’imirwano hagati y’impande zombi ariko kuri iyi nshuro bongeye gutana mu mitwe.

Umutwe wa M23 wigaruriye uduce twinshi two muri Masisi na Rutshuru ndetse iracyatsimbaraye ku gitekerezo cyo kugirana ibiganiro na leta.