Umukuru w’Igihugu Paul Kagame yarikiriye Olusegun Obasanjo wabaye Perezida wa Nigeria bagarana ku ngingo zitandukanye.
Ibiro by’Umukuru w’Igihugu, Village Urugwiro, byatangaje ko ibiganiro byabo byibanze ku bibazo bihari mu Karere ndetse n’izindi ngingo zitandukanye zifite akamaro ku rwego rwa Afurika n’Isi yose.
Ubutumwa buri kuri X y’ibiro by’Umukuru w’Igihugu bukomeza bugira buti: “Aba bayobozi bombi bunguranye ibitekerezo ku nzira zaganisha ku mutekano n’iterambere.”
Umuryango w’Afurika y’Iburasirazuba (EAC) n’Umuryango w’Ubukungu w’Ibihugu bya Afurika y’Amajyepfo (SADC), mu kwezi kwa Gashyantare uyu mwaka, wemeje ko Olusegun Obasanjo wabaye Perezida wa Nigeria nk’umwe mu bahuza mu kibazo cy’umutekano mu Burasirazuba bwa Repubulika Iharanira Demokarasi ya Kongo (DRC).
What do you feel about this post?
Like
Love
Happy
Haha
Sad
