Ibyo wamenya kuri siporo yo gusimbuka umugozi

Siporo yo gusimbuka umugozi ni nziza cyane ndetse ituma uyikora amaraso atembera neza cyane cyane mu gice cy’amaguru, bigatuma kandi ibinure bishonga vuba, amaraso agatembera neza.

Gusimbuka umugozi ni siporo nziza wakora niba uyemerewe.

Gusimbuka umugozi kandi bituma utakaza ibiro,uwukora iyi siporo kandi yo gusimbuka umugozi ahorana imbaraga kuko umutima we uba ukora cyane bityo agahorana umurava mubyo akora.

Ushobora kwibaza uti ese buri wese arayemerewe? igisubizo ni oya kuberako abahanga bavugako iyo ukora iyi siporo yo gusimbuka umugozi mu gihe ufite ibiro by’umurengera cyane bituma ubabara cyane mumavi igihe urimo uyikora bityo ko aho kuyikora washaka indi yagufasha gutakaza ibiro.

Mugihe ariko hari n’abandi bafite indwara z’amagufa cyane cyane izo mu gice cy’amaguru ni byiza ko utangira gukora iyi siporo yo gusimbuka umugozi wabanje kubyemererwa na Muganga ubifitiye ubushobozi akaba yanakugira inama yizo ukwiye gukora bijyanye n’imiterere y’umubiri wawe.

Gusimbuka umugozi ni siporo abayikora bakunda kuko itabasaba byinshi cyangwa ahantu hanini cyane ho kuyikorera cyane ko no mu i baraza ry’iwawe wayikora kandi ikagenda neza.

Iyo ubonye urimo kuyikora ubona ari siporo yoroshye gusa uba wibeshye kuko iyi siporo k’umuntu uyikora neza mu gihe cy’iminota 15  gusa asimbuka umugozi aba angana n’uwakoresheje iminota 30 akora siporo yo kwiruka cyangwa urimo gukina volley ball.

Siporo yo gusimbuka umugozi iyo uyikora neza ukabifatanya no gufata indyo yuzuye ntakabuza mu gihe cy’amezi nibura abiri [2] uyikora nibura gatatu mu cyumweu uba wamaze kubona impinduka tunabibutseko abakinnyi benshi b’iteramakofe iyi siporo bayikora cyane mu myitozo yabo.

Iyi siporo rero nuyitangira izatuma wiyumva neza utibagiwe ko izafasha imikaya yawe yo mu mugongo, munda gukomera  kandi ukaba uteye neza wanagenda ukumva ko uri umuntu ufite imbaraga muri wowe bityo binatume ukomeza kwigirira ikizere.