Kibeho: Barashimira ubuvugizi bwa DGPR

Kuri iki cyumweru tariki ya 7Nyakanga 2024, Ishyaka riharanira Demokarasi no kurengera ibidukikije mu bikorwa byo kwamamaza Dr Frank Habineza no kwamamaza abadepite b’iri shyaka, abaturage baganiriye na Rwandanews24 bishimira ko bahawe umuhanda wa kaburimbo.

Umuturage utashatse kwivuga amazina ku mpamvu ze bwite yavuze ko yishimira ko bahawe umuhanda ngo kujya Huye bisigaye biborohera Kandi kubw’iyi kaburimbo babonye yabafashije kwiteza imbere yongera agaciro amazi yabyo yegereye umuhanda.

Ibi Kandi bishimangirwa n’uwitwa Marie Jeanne Clarisse  Mukamana wavuganye na Rwandanews24 wavuze ko bishimira ubu buvugizi we avuga ko yumvaga Ari amayeri yo kwishakira amajwi ariko yatunguwe no kubona uyu muhanda ubonetse nyuma y’umwaka umwe gusa batowe. Akaba avuga ko nta mpamvu n’imwe ituma batazatora Dr Frank Habineza na DGPR ko bizeye ko ibyo biyemeje bazabishyira mu bikorwa.

Hon Dr Frank Habineza mu ijambo rye yavuze ko yishimiye ko ubwo baherukaga kwiyamamaza muri uyu murenge wa Kibeho bavuze ko bazasaba leta ikabakorera umuhanda. Uyu muhanda ngo wabonetse nyuma y’umwaka batowe bazaba bashimira leta kuba yarabumvise.

Ikindi yagarutseho n’ikibazo kijyanye no gutunganya ibikomoka kumata kuko muri aka KARERE borora cyane. Avuga ko nibagirira icyizere DGPR bakamutora azashyiraho inganda zitunganya amata zikazabyaza umusaruro ibikomoka ku mata ndetse bakazanafasha mu gushiraho inganda zitunganya ibikomoka ku birayi kuko aka gace gakungahaye ku birayi.

Dr Frank Habineza nanone yagarutse ku kibazo cyo kudahabwa ingurane ku butaka bikozwe n’abaturage. Avuga ko umuturage agomba kubona ingurane ku butaka bwe, ikabonekera igihe Kandi ku giciro gikwiye. Ati : ” Nimutugirira icyizere ibi bibazo bijyanye n’ingurane z’ubutaka zizakurwaho burundu”