Intambara z’urudaca zugarije Isi zateye Pasiteri Ndanyuzwe kwandika Igitabo “Love Across All Languages”

Umwanditsi w’ibitabo, Pasitori Jotham Ndanyuzwe utuye mu gihugu cya Canada, Alberta, muri Edmonton, agiye kumurika igitabo yise “Love Across All Languages”.

N’igitabo azamurika tariki ya 9 Werurwe 2024, muri Canada, ahitwa 6712 Delwood Rd Edmon.

Pasiteri Jotham usengera mu Itorero ryitwa New Jerusalem Ministries yagiranye na Rwandamews24 yatangaje ko intambara z’urudaca ziri kubera hirya no hino ku isi ari zo zatumye agira igitekerezo cyo kwandika iki gitabo, ariko byose abifashwamo no guhishurirwa n’Imana.

Ati “Narebye ibyo Isi irimo kunyuramo by’intambara z’urudaca n’inzangano muri iyi minsi, nsanga urukundo rwarashize mu bantu, mpishurirwa ko abantu batahishuriwe imbaraga z’urukundo, kuko ari rwo mbaraga zizana abantu zikabashyira hamwe. Niyo mpamvu igitabo cyitwa “Love Across All Language: A Global Journey.”

Yakomeje agira ati “Ubutumwa burimo n’ugukundana tugashyira hamwe, by’umwihariko natinze ku mbaraga z’urukundo, kugira ngo nerekane icyo urukundo rwakora mu gushyira abantu hamwe.”

Pasiteri Jotham Ndanyuzwe yasabye abantu bose gushaka iki gitabo bakagisoma kugira ngo bafatanye nawe mu rugendo rwo kugarura urukundo ruri gukendera mu bantu.

Ati “Ndasaba abantu bose kugishaka kuri Amazon, ni ukwandikamo izina ry’igitabo “Love Across All Languages By Jotham” bakagisoma tugafatanya urugendo rwo kugarura urukundo ku isi.

Iki gitabo wagisanga kuri Amazon, Apple Books, Kindle books, ndetse no kuma stores arenga 45 akorera kuri interineti.

Yakomeje avuga ko Ubutumwa yaha abasomyi ari ugukomeza kugira umuco mwiza wo gusoma kandi bakabikundisha n’abandi.

⁠Nk’uko byemejwe na Pst. Jotham Ndanyuzwe, iki gitabo cyiswe “Love Across All Languages” ku mbuga zitandukanye gicururizwaho kiri kugurishwa Amadorali y’Amerika 20 ($20).

Iki gitabo cyaranditswe mu gihe kingana n’umwaka, gifite paji 302, kizamurikwa ku mugaragaro Ku wa 9 Werurwe 2024, muri Canada, ahitwa 6712 Delwood Rd Edmon.

Pasiteri Jotham Ndanyuzwe ni umwanditsi umaze kwigarurira imitima ya benshi, dore ko amaze kwandika ibitabo birenga 5 ariko 2 akaba ari byo bimaze kugera ku isoko.

Pasiteri Ndanyuzwe agiye kumurika igitabo yise “Love Across All Languages”