Ikipe ya Rayon Sports yisanze mu itsinda rikomeye hamwe n’ibigugu birimo Al Hilal SC na Tusker FC muri tombola y’irushanwa rya CECAFA Kagame Cup yabaye kuri uyu wa Gatanu mu cyumba cy’itangazamakuru cya Stade Amahoro.
APR FC na yo ihagarariye u Rwanda yashyizwe mu rindi tsinda rigoye rigizwe n’amakipe akomeye mu Karere arimo Gor Mahia na Vipers SC. Iri rushanwa ngarukamwaka rizabera mu Rwanda guhera tariki ya 24 Nyakanga kugeza ku ya 7 Kanama 2026.
Muri iyi tombola y’amakipe 12 agabanyijwe mu matsinda atatu, Rayon Sports FC yashyizwe mu Itsinda C ikazacakirana na Al Hilal SC yo muri Sudani, Tusker FC yo muri Kenya ndetse na KVZ yo muri Zanzibar.
APR FC yisanze mu Itsinda A aho izahurira na Vipers SC yo muri Uganda, Gor Mahia yo muri Kenya ndetse na FC Garde Republicaine yo muri Djibouti.
Itsinda B ryo rigizwe na Simba SC na Singida Black Stars zo muri Tanzania, Jamus SC yo muri Sudani y’Epfo ikinamo Umunyarwanda Muhire Kevin, hamwe na Mogadishu City yo muri Somalia.
Amakipe azaba aya mbere muri buri tsinda azahita abona itike yo gukomeza muri 1/2. Izi kipe eshatu zizongerwaho imwe izaba yabaye iya kabiri yitwaye neza kurusha izindi kugira ngo bishakemo amakipe abiri azahurira ku mukino wa nyuma.
Imikino y’iri rushanwa riterwa inkunga na Perezida Paul Kagame izakinirwa kuri Kigali Pelé Stadium ndetse no kuri Stade Amahoro kuva tariki 24 Nyakanga kugeza tariki 8 Kanama.
Que pensez-vous de cet article ?
J'aime
Amour
Heureux
Haha
Triste
