Umushahara n’ibindi bigenerwa umuvunyi Mukuru mu Rwanda

Umuvunyi Mukuru ni umwe mu bayobozi bakuru b’igihugu ufite inshingano zo gukemura ibibazo by’abaturage, by’umwihariko ibirebana n’akarengane n’ubutabera. Akazi ke gasaba ubushishozi no kugira ubushobozi buhagije bwo gusohoza inshingano ze nta mbogamizi. Ariko se umushahara we ungana ute? Ni ibihe bindi bimufasha mu kazi ke?

Umushahara w’Umuvunyi Mukuru

Amakuru aturuka mu mategeko agena imishahara y’abayobozi bakuru mu Rwanda agaragaza ko Umuvunyi Mukuru ahembwa umushahara mbumbe wa miliyoni ebyiri n’ibihumbi magana atanu mirongo itatu na bine na magana inani mirongo itandatu na rimwe (2,534,861 Frw) buri kwezi.

Ibindi Umuvunyi Mukuru agenerwa

Uretse umushahara, Umuvunyi Mukuru agenerwa ibindi byangombwa bimufasha mu kazi ke ka buri munsi:

1. Itumanaho: Ahabwa ibihumbi ijana (100,000 Frw) byo kwishyura telefoni, interineti na fagisi zo mu biro buri kwezi.
2. Interineti igendanwa: Agenerwa ibihumbi mirongo ine (40,000 Frw) buri kwezi.
3. Telefoni igendanwa: Ahabwa ibihumbi ijana na mirongo itanu (150,000 Frw) buri kwezi.
4. Gushyikirana n’abashyitsi: Agenerwa ibihumbi magana atatu (300,000 Frw) buri kwezi.
5. Ibikoresho byo mu nzu: Iyo atangiye imirimo, ahabwa miliyoni eshanu (5,000,000 Frw) rimwe gusa.
6. Icumbi: Ahabwa amafaranga y’ubukode angana n’ibihumbi magana atanu (500,000 Frw) buri kwezi.
7. Kuzamurwa kw’umushahara: Nyuma ya buri myaka itatu (3), umushahara we wiyongeraho 10%.

Ibi byose biteganywa n’Iteka rya Perezida N°004/01 ryo ku wa 16 Gashyantare 2017 rigena ingano y’imishahara n’ibindi bigenerwa Abanyapolitiki Bakuru b’Igihugu n’uburyo bitangwa.

Uyu mushahara n’ibindi agenerwa bigamije kumufasha gusohoza neza inshingano ze, zirimo gukemura ibibazo by’akarengane n’ibindi bibazo abaturage bageza ku Rwego rw’Umuvunyi.

Ivomo: Umuryango/GLADIATOR OG