Rulindo: Pasiteri yafatiwe mu rugo rw’umugore w’abandi

Umugabo witwa Niyibigaba Pie Davide, umukozi w’Imana uzwi mu Itorero, yafashwe ari mu rugo rw’umugore witwa Kamugisha Clementine mu kagari ka Bubangu, mu murenge wa Murambiho, akarere ka Rulindo. Bivugwa ko uyu mupasiteri yafashwe asambana n’uwo mugore, bikaba byarateye urunturuntu mu baturage.

Inkuru ivuga ko Niyibigaba yaje kurara muri uru rugo nyuma yo kubeshya umugore we ko agiye gukora ikizamini cyo gutwara ibinyabiziga i Butare, mu Karere ka Huye. Mu by’ukuri, ngo yari aje guhura na Kamugisha, umugore wa Uwumuremyi Emmanuel, bamaranye igihe kinini bakorana aya mahano.

Uwumuremyi Emmanuel yavuze ko yari amaze igihe kirekire akeka ko umugore we ashobora kuba afite undi mugabo ajya ahura na we, ahanini akabishingira ku bimenyetso bitandukanye yabonaga. Ku wa 6 Kanama 2024, ni bwo Emmanuel yafashe umugabo na mugore we bari kumwe mu rugo rwe. Umuturage wari uhari yavuze ko kumufata byabagoye cyane kuko Niyibigaba yagerageje kwiruka anyuze mu idirishya yambaye isume, ariko birangira bamufashe ari kwihisha mu bwiherero.

N’ubwo hari ibimenyetso byinshi byashingirwagaho, Niyibigaba na Kamugisha bahakanye ko basambanaga, bavuga ko bari bari kuganira.

Kamugisha Clementine bivugwa ko yafashwe asambana n’Umukizo w’Imana