RDC: Rwambikanye hagati ya M23 na FARDC mu gace ka Kaseghe

Hagati y’inyeshyamba za M23 n’ingabo za FARDC zifatanyije n’ingabo z’u Burundi na Wazalendo harimo imirwano muri Kaseghe, Lubero. Iyo mirwano yatangiye kuri uyu wa mbere, tariki ya 1 Nyakanga 2024. Sosiyete sivile y’aho yatangaje ko imitwe ya Wazalendo, FARDC, n’ingabo z’u Burundi aribo bateye umutwe wa M23 kugira ngo baburizemo umugambi wa M23 wo kwigarurira aka gace.

Umuvugizi wa Sosiyete sivile yavuze ko abarwanyi ba Wazalendo bashatse guhagarika M23 kugira ngo itagafata Bunyatenge, kandi ko benshi mu ba Wazalendo baturutse mu mujyi wa Butembo, badashaka ko M23 ikomeza kwagura ibirindiro muri Lubero.

Benshi mu ba Wazalendo bitabiriye iyi mirwano n’abaje baturutse mu mujyi wa Butembo ,batifuza ko umutwe wa M23 wakomeza kwagura ibirindiro muri Lubero.

Mu mpera z’icyumweru gishize, inyeshyamba za M23 zafashe imidugudu n’uturere twinshi two mu majyepfo ya Lubero harimo imijyi ikomeye nka Kanyabayonga, Miriki, Kayna, Kimaka, Luofu, Mighobwe, Busigho na Kirumba. Uduce dusigaye muri Grand Nord ntibizoroha gufatwa na M23 kubera ko higanje abaturage b’abandandi badakunda intambara.