Connect with us

NEWS

RDC: Inyeshyamba zarekuye abantu 161 ziherutse gushimuta

Published

on

Umutwe witwaje intwaro wa CODECO ukorera mu burasirazuba bwa Repubulika Iharanira Demokarasi ya Congo warekuye abaturage 161 wari uherutse gushimuta mu ntara ya Ituri.

CODECO yashimutiye aba baturage mu gace ka Tchomia gaherereye muri teritwari ya Djugu hafi y’Ikiyaga cya Albert nyuma y’imirwano yahanganishije ingabo za RDC n’umutwe wa Zaire tariki ya 3 Werurwe 2025.

Ubwo imirwano yari imaze gutuza, abaturage basubiye mu ngo zabo; CODECO irabashimuta, ibamarana iminsi ibiri mu bihuru biri mu gace ka Landa, batarya.

Kugira ngo barekurwe, impirimbanyi z’uburenganzira bw’ikiremwamuntu ndetse n’abahagarariye komite y’urubyiruko, bagiye kuganira n’umuyobozi wa CODECO muri Landa, barumvikana.

Bamwe muri aba baturage banze kuguma muri Tchomia kuko bafite ubwoba ko bakongera gushimutwa. Bahungiye mu bindi bice byo muri Ituri, abandi bambuka ikiyaga cya Albert bajya muri Uganda.