Rayon Sports ikomeje kugayika isitaye ku Magaju

Rayon Sports yongeye kugwa miswi mu mukino w’umunsi wa kabiri wa Shampiyona y’Icyiciro cya Mbere mu Rwanda mu mwaka w’imikino wa 2024-25, aho yanganyije na Amagaju FC ibitego 2-2.

Uyu munsi, tariki ya 23 Kanama 2024, ni bwo hatangiye imikino y’umunsi wa kabiri wa shampiyona, aho umukino wabanje wahuje Gasogi United na Marines FC, Gasogi itsinda igitego 1-0.

Mu mukino wahuje Rayon Sports na Amagaju FC, Rayon Sports yagaragaje igitutu ku gice cya mbere, aho ku munota wa 45 Nsabimana Aimable yafunguye amazamu ku gitego yatsinze n’umutwe nyuma ya koruneri yatewe na Muhire Kevin, bituma bajya kuruhuka ari 1-0.

Gusa, ku gice cya kabiri, Amagaju FC yagarutse yashaka kwishyura, ndetse ku munota wa 72, Richard Mapoli Kevin yatsinze igitego cyo kunganya, aho yari asimbuye Malanga.

Rayon Sports yongeye kuzamura ibirenge ku munota wa 86, ubwo Adama Bagayogo yatsindaga igitego cya kabiri ku ishoti rikomeye, ariko ntibyabujije ko Amagaju FC yishyura ku munota wa kabiri w’inyongera ku gitego cy’umutwe cyatsinzwe na Iragire Saidi.

Umukino warangiye amakipe yombi anganyije ibitego 2-2, bituma Rayon Sports itakaza amanota mu mukino wa kabiri wikurikiranya muri shampiyona, nyuma yo kunganya na Marines FC ku mukino wabo wa mbere.