P.Diddy ntazagaragara mu itangwa ry’ibihembo bya Grammy Awards.

Rurangiranwa mu njyana ya hip hop ku isi p diddy yangiwe kuzitabira ibihembo bya grammy awards kubera ibyaha byinshi aregwa byo guhohotera Abakobwa barimo nuwo yahoze afasha mumuziki witwa Cassie.

P Diddy ntiyemerewe kuzakandagira aho ibirori bya Grammy Awards bizabera

Sean Combs uzwi nka P.Diddy  umuraperi ukomeye cyane akaba n’umuherwe kuko agaragara k’urutonde rw’aba raperi bambere batunze agatubutse, umwaka dusoje wa 2023 ntiwagendekeye neza uyu mugabo kuko yagiye ashinjwa ibirego byinshi byagiye bitangwa n’abagore batandukanye barimo Cassie yaranabereye umuyobozi muri Bad boy Records  abo bose ibirego byabo bihurije kukuba uyu P Diddy yaragiye abakorera ihohotera rishingiye kugitsina mubihe bitandukanye arinabyo The Academy yashingiyeho yima ubutumire uyu P Diddy.

The Academy isanzwe itegura ibihembo bya Grammy awards ishingiye ku birego uyu P Diddy akurikiranyweho yemeje kutamuha ubutumire mu itangwa ry’ibihembo bizatangwa ku nshuro ya 66 ukwezi gutaha kwa gashyantare, kubera ko batifuza gutiza umurindi ibikorwa bitesha agaciro Abagore n’Abakobwa [igitsinagore] muri rusange.

The Academy yatanze ubutumire kubazitabira ibi birori  bya Grammy Awards gusa birengagije ko p Diddy nawe ari umwe mubahataniye ibi bihembo azakomeza ahatane ariko ntiyemerewe kuhagera kubera ibyo byaha akurikiranyweho twavuze haruguru.

Bimwe mubyasembuye cyane ibi ni’ kirego cy’uwitwa Cassie uyu P Didddy yarabereye umuyobozi muri Bad boy Records uhereye muri 2005  gusa nyuma banaza gukundana muri 2006 gusa uyu Cassie we yatanze ibirego bivuga ko P Diddy yajyaga amukorera ihohoterwa rishingiye ku gitsina, gutuma no guhagarikira abandi Bagabo bakamwishimishirizaho,  kumufatira ibyemezo bitandukanye kugera no m’ubuzima bwe bwite no kumugira igikoresho cye n’ibindi.

Ibyo byose byasanze  P Diddy  yaramaze gutoranywa mu bahatanye mu kiciro Best Progressive R&B  Album of the Year  aho Album ye yise “The Love Album ” yasohoye  muri 2023 ariyo ihatanye muri icyo kiciro.