Nyanza: Nyuma yo gushetewe ibihumbi 10 Frw Umugabo byamuviramo gupfira mu musarane

Umugabo witwa Ntasangirwa Jean Claude w’imyaka 44 y’amavuko yapfiriye mu musarane uri mu rugo ruherereye mu Mudugudu wa Nyakabuye mu Kagari ka Mpanga mu Murenge wa Mukingo, Akarere ka Nyanza, ubwo yari yahawe ikiraka cyo gukuramo telefone.

Ibi byabaye nyuma y’uko yagerageje gukura telefoni mu musarane w’uwitwa Gasasira Janvier w’imyaka 44, ariko birangira ahasize ubuzima.

Inzego z’umutekano zatangaje ko uwatanze kariya kazi, Gasasira Janvier, yahise atoroka nyuma y’aho uwo yari yahaye akazi apfiriye.

Gasasira yari yasezeranyije nyakwigendera kumuha amafaranga ibihumbi icumi (10,000 Frw) naramuka ayikuyemo, ariko birangira atabashije kuyikuramo ngo anabone ayo mafaranga.

Umunyamabanga Nshingwabikorwa w’Umurenge wa Mukingo, Kayigi Ange, yatangaje ko kuri ubu hakomeje gushakishwa Gasasira kugira ngo akurikiranweho urupfu rwa Ntasangirwa.

Umurambo wa nyakwigendera washyinguwe ku munsi wo ku Cyumweru tariki 2 Nzeri 2024. Inzego z’umutekano n’iz’ubuyobozi ziri gukora iperereza ryimbitse kugira ngo hamenyekane icyateye urupfu rwa Ntasangirwa n’icyakorwa ku mwanzuro w’uwatanze icyo kiraka.