Nyabihu: Ikamyo yagwiriye umunyonzi ahita apfa

Ku gicamunsi cyo kuri uyu wa Kane tariki 3 Ukwakira 2024, habereye impanuka ikomeye mu Murenge wa Mukamira, ku muhanda Musanze-Rubavu, aho ikamyo ipakiye umusenyi (garaviye) yagwiriye umunyonzi maze ahita yitaba Imana.

Iyo kamyo, yamanukaga iva mu gice cya Rubavu yerekeza mu Karere ka Nyabihu, yageze ku gice cy’umuhanda wa Mukamira irakomeza kugenda mu muvuduko mwinshi.

Muri uwo mwanya, yarenga umuhanda maze igwira umusore ukora akazi ko gutwara abantu n’ibintu ku igare (un connu sous le nom de “abanyonzi”) wari uri mu gice cy’inkengero z’umuhanda asunika igare ririmo amata. Ako kanya, uwo musore yahise yitaba Imana.

Umunyamabanga Nshingwabikorwa w’Umurenge wa Mukamira, Bizimana Placide, yemeje iby’iyi mpanuka, avuga ko umurambo wa nyakwigendera wahise ujyanwa ku ivuriro rito rya Bigogwe (Centre médicalisé de Bigogwe).

Yagize ati: “Kamyo nini itwara umucanga iva mu gice cya Rubavu igeze hano ku Mukamira yagonze umunyonzi, ahita apfa, umurambo uri muri Centre médicalisé ya Bigogwe.”