Mukura VS ikoze mu maso Rayon Sports

Kuri uyu wa Gatandatu, ikipe ya Mukura VS yahagaritse umuvuduko wa Rayon Sports yari imaze imikino 14 idatsindwa muri shampiyona, iyitsinda ibitego 2-1 mu mukino w’umunsi wa 15 wabereye kuri stade Mpuzamahanga ya Huye hasozwa imikino ibanza.

Abakinnyi 11 Rayon Sports yabanje mu kibuga: 42. Khadime Ndiaye 26. Youssou Diagne 54. Omar Gning 2. Serumogo Ali (C) 16. Ganijuru Ishimwe Elie 26. Kanamugire Roger 99. Iraguha Hadji 6. Ndayishimiye Richard 15. Fall Ngagne 20. Ishimwe Fiston 37. Adama Bagayogo

Abakinnyi 11 Mukura VS yabanje mu kibuga: 45. Sebwato Nicholas 5. Rushema Chris 16. Niyonzoma Eric Abdul Jalilu 11. Hakizimana Zuberi 3. Obedi Uwumukiza 6. Nisingizwe Christian 4. Niyonizeye Fred 80. Jordan Dimbumba 9. Nsabimana Emmanuel 20. Mensah Boateng

Mukura yinjije igitego cya mbere ku munota wa 40′ na Jordana Dimbumba afunguye amazamu i Huye.

Yakomeje gusatira izamu rya Rayon sport nuko ku munota wa 43′ itsinda igitego cya kabiri gitsinzwe na Niyonizeye Fred.

Igitego cya Rayon sports yaje kwinjijwa ku munota wa 53′ na Fall Ngagne kuri penaliti.

Mu bari muri Stade Huye harimo Uwayezu Jean Fidele.. Uyu wahoze ari umuyobozi wa Rayon Sports yongeye kugaragara muri Stade nyuma yo kumara igihe arwaye.

Rayon Sports ishoje imikino ibanza ari iya mbere n’ubundi n’amanota 36 mu mikino 15 ikurikiwe na APR FC na 32 ariko isigaje umukino ifitanye n’Amagaju kuri iki Cyumweru. Mukura VS yo ikaba irangije ku mwanya wa karindwi n’amanota 21.