Connect with us

NEWS

M23 Wigaruriye Kaziba muri Kivu y’Amajyepfo, Ingabo z’u Burundi Ziratana

Published

on

Umutwe wa M23 ku wa Mbere tariki ya 10 Werurwe wigaruriye agace ka Kaziba, gaherereye mu Ntara ya Kivu y’Amajyepfo, nyuma yo gukubita inshuro ingabo z’u Burundi zari zicumbitse muri ako gace, mu mirwano ikomeye yabaye kuri uwo munsi.

Mu masaha y’umugoroba wo ku wa Mbere, abarwanyi ba M23 binjiye mu gace ka Kaziba, gashamikiye kuri Teritwari ya Walungu. Kaziba ni imwe muri chefferie ebyiri zigize iyo teritwari, hamwe na Ngweshi, nayo iherutse gufatwa na M23 mu byumweru bibiri bishize.

Raporo zivuga ko M23 yigaruriye Kaziba nyuma y’imirwano ikaze yahuje uyu mutwe n’ingabo z’u Burundi, zari zifashwa n’abarwanyi ba FDLR na Wazalendo. Biravugwa ko ingabo z’u Burundi zari zifite ibirindiro bine muri Kaziba, birimo n’icyo bita Cibanda, ariko ibi birindiro byose byaje gutabwa n’izo ngabo mbere y’uko M23 yigarurira ako gace.

Kuba Kaziba yafashwe bivuze ko M23 isigaye igenzura Teritwari ya Walungu yose, nyuma y’uko yari imaze iminsi yarigaruriye Ngweshi, igice cyari gisigaye muri iyo teritwari. Amakuru yemeza ko nyuma yo gutsindwa, ingabo z’u Burundi zahungiye mu bice bya Uvira.

Iyi mirwano yongeye kugaragaza ubukana bw’intambara ihanganishije umutwe wa M23 n’ingabo za Leta ya Congo n’abo bafatanyije, mu gihe uburasirazuba bwa Congo bukomeje kuba indiri y’umutekano muke n’intambara zidashira.

Click to comment

Leave a Reply

Your email address will not be published. Required fields are marked *