Lorenzo yavuze impamvu yagumye kuri RBA akareka kujya kwa Sam Karenzi wari wamwifuje

Umunyamakuru w’imikino mu rwego rw’Igihugu cy’Itangazamakuru, RBA, Musangamfura Christian Lorenzo yahishuye impamvu yanze kujya kuri Radiyo nshya ya Sam Karenzi wari wamwifuje.

Ati: “Nkubwiye ngo nzakorera RBA kugeza mpfuye naba nkubeshye pe, ariko ayo mafaranga yaraje ndayabona ndashyugumbwa, ndahinda, ndashya, mfata umwanya wo kubitekerezaho ntekereza rwose no kuyakira ndumva hari n’abantu babimenye ariko ntabwo nigeze nsezera kuru RBA.

Nafashe umwanya w’icyumweru kimwe mbitekerezaho ntekereza amezi 19 maze nkorera RBA nk’umukozi, nsubiza amaso inyuma ndeba ibintu RBA yangejejeho ndeba ikigo uko kingana, ndeba ukuramba k’umurimo, gukorera amafaranga by’igihe kirekire ariko no gukorera igihugu by’igihe kirekire”.

Lorenzo yatangiriye umwuga w’itangazamakuru kuri RC Musanze aho yaje kuva yerekeza kuri Fine FM icyakora ntiyahamara iminsi kuko yahise yerekeza kuri Radio Rwanda, aha na ho ahava ajya kuri Radio 10 mbere y’uko ahava agasubira kuri Radio Rwanda ku nshuro ya kabiri.

INKURU BIJYANYE:Umunyamakuru Lorenzo mu nzira isohoka muri RBA