Inama y’Abaminisitiri yashyizeho abayobozi mu nzego z’uburezi n’ubuzima

Perezida wa Repubulika Paul Kagame yayoboye Inama y’Abaminisitiri kuri uyu wa Gatanu tariki ya 17 Mutarama 2025, yateraniye muri Village Urugwiro.

Imwe mu myanzuro yemejwe harimo abayobozi bashya bashyizwe mu myanya mu nzego z’uburezi aho Dr Edward Kadozi yagizwe Umuyobozi Mukuru w’Inama y’Igihugu ishinzwe Amashuri Makuru na Kaminuza (HEC), Dr Flora Mutezigaju yagizwe Umuyobozi Mukuru wungirije w’Urwego rw’Igihugu rushizwe Uburezi bw’Ibanze (REB).

Hashyizweho kandi Umuyobozi Mukuru wungirije mu Kigo cy’Igihugu gishinzwe Ibizamini n’Ubugenzuzi bw’Amashuri Carlene Seconde Umutoni (NESA) n’Abahuzabikorwa b’Uburezi mu Ntara n’Umujyi wa Kigali.

Mu rwego rw’Ubuzima, Dr Edgar Kalimba yagizwe Deputy Chief Executive Officer, Medical Servises ku bitaro byitiriwe Umwami Faisal hanashyirwaho abagize Inama y’Ubuyobozi b’ibyo bitaro.

Si mu burezi n’ubuzima gusa hashyizwe abayobozi bashya, hari n’izindi nzego zirimo abahagarariye Ibihugu n’Imiryango Mpuzamahanga, Abayobozi mu Nteko Ishinga Amategeko, Umutwe w’Abadepite, Minisiteri y’Ubucuruzi n’Inganda n’ahandi.

Dr Edward Kadozi yagizwe Umuyobozi Mukuru w’Inama y’Igihugu ishinzwe Amashuri Makuru na Kaminuza (HEC)

Dr Edgar Kalimba yagizwe Deputy Chief Executive Officer, Medical Servises ku bitaro byitiriwe Umwami Faisal

Carlene Seconde Umutoni yagizwe Umuyobozi Mukuru Wungirije wa NESA