Gen. (Rtd) Kabarebe yakomeje ku rubyiruko bwubu nyuma y’imyaka 30

Umunyamabanga wa Leta ushinzwe Ubutwererane bw’Akarere muri Minisiteri y’Ububanyi n’Amahanga n’Ubutwererane (MINAFET), Gen. (Rtd) James Kabarebe, yavuze ko nyuma y’imyaka 30 Jenoside yakorewe Abatutsi ihagaritswe, intego yo gutegura urubyiruko rw’u Rwanda izaba yagezweho. Ibi yabigarutseho ku wa Mbere, tariki ya 22 Nyakanga 2024, ubwo yakiraga urubyiruko rw’Abanyarwanda ruba mu mahanga muri gahunda ya ‘Rwanda Youth Tour 2024’.

Kabarebe yavuze ko “Ubwo twahagarikaga Jenoside, hari ikibazo kimwe mu mitwe yacu. Urubyiruko rwacu ruzaba rumeze rute? Ruzaba rutekereza iki? Imyifatire yarwo izaba imeze ite? Imbaraga zarwo zizaba zimeze zite, nyuma y’imyaka 30?” Yongeyeho ko ubu u Rwanda rufite urubyiruko rwimakaje umuco wo gukunda igihugu kandi rwiteguye gukomeza kucyubaka.

Iyi gahunda izwi nka ‘Rwanda Youth Tour 2024’ yitabiriwe n’urubyiruko rufite imyaka iri hagati ya 18 na 25, ruba mu bihugu birimo u Bwongereza, u Busuwisi, u Bubiligi, Canada n’ibindi bya Afurika. Bazamara ibyumweru bibiri mu Rwanda biga umuco n’ururimi rw’Ikinyarwanda, basura n’ibikorwa binyuranye.

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Umutoni Sandrine, yavuze ko urubyiruko rufite ubushobozi bwo gufasha igihugu kugera ku ntego zacyo. Ati “Uyu munsi, icyo tubaza buri umwe muri mwe ni ‘ese mubona ubushobozi mubufite?’ Mufite byinshi byo gutanga, kandi icyo tubasaba ni uko mwaduha uburyo bwo kubigaragariza.”

Umuyobozi ushinzwe Ibikorwa bya Diaspora muri Minisiteri y’Ububanyi n’Amahanga, Sandrine Maziyateke Uwimbabazi, yavuze ko iyi gahunda izakomeza gushyigikirwa kugira ngo urubyiruko rwamenyere umuco w’u Rwanda.

Iki gikorwa kimaze kuba inshuro enye mu Rwanda kandi kibaye ku nshuro ya kane, aho urubyiruko rusaga 50 rwitabiriye.