Davido yongeye guca agahigo.

Murwego rwo gukomeza kumenyekanisha album ye yise ‘Timeless’ kuri ubu igitaramo azakorera ahitwa  02 arena London kuwa 28 mutarama uyu mwaka amatike yacyo yamaze gushira.

Davido yongeye guca agahigo mu gitaramo cye.

Umuhanzi David Adedeji Adeleke wamenyekanye nka Davido mu muziki wa Nigeria nahandi ku isi, hari kuya 31 werurwe 2023 ubwo uyu muhanzi yasohoraga album ye yise ‘Timeless’ iriho indirimbo 17 zirimo n’izakunzwe cyane zikanyeganyeza Isi aha twavuga nka ‘unavailable’ yafatanyije na Mussa keys wo muri Africa y’Epfo, feel ye wenyine n’izind nyinshi  benshi bakunze cyane.

Mu kumenyekanisha izi ndirimbo zose rero Davido yifuje yazenguruka ku migabane igiye inyuranye kugirango Abantu barusheho kumenya izi ndirimbo zose zigize umuzingo we.

Ni muri urwo rwego rero mu gitaramo afite kuwa 28 mutarama 2024 ahitwa O2 Arena London yakira abagera ku bihumbi makumyabiri [20 000] ku munsi w’ejo uyu muhanzi abinyujije kurukuta rwe rwa instagram yatangaje ko amatike yose yamaze gushira.

Davido rero akomeje kwerekana ubushobozi bwe muri muzika ndetse no kuzamura ibendera rya Nigeria ku ruhando mpuzamahanga, tubibutseko atari ubwa mbere Davido yuzuza iy’ inzu kuko no muri 2019 na 2022 yayujuje ubu rero akaba agiye kongera kuhakorera amateka ayuzuza ku shuro ya gatatu.

Abandi bahanzi bagererageje ibi kandi, barimo Wizkid wayujuje 2019 na 2021, Burna Boy 2021 ndetse na Asake wabikoze muri 2023, ibi byose bikaza bishimangira ko Nigeria iriya nzu yayigize ahantu hasanzwe cyane binyuze mu muziki wabo.