Abanduye Virusi ya Marburg biyongereyeho barindwi

Minisiteri y’Ubuzima (MINISANTE) yatangaje ko undi muntu yapfuye azize icyorezo cya Marburg ku wa Gatatu, tariki ya 02 Ukwakira 2024, bikaba buzuye abantu 11 bamaze guhitanwa n’iki cyorezo mu Rwanda.

Abanduye biyongereyeho barindwi, bose hamwe bakaba bageze kuri 36, mu gihe abarimo kuvurwa ari 25. Kugeza ubu nta muntu n’umwe biratangazwa ko yakize Marburg.

Iki cyorezo cyamenyekanye bwa mbere mu Rwanda ku wa 27 Nzeri 2024, ubwo abarwayi bagaragazaga ibimenyetso by’iyi virusi batangiye kugaragara mu bitaro bitandukanye.

Minisiteri y’Ubuzima yatangaje ko Virusi ya Marburg idandurira mu mwuka, ahubwo yandura binyuze mu gukora ku maraso cyangwa amatembabuzi y’umuntu uyirwaye, harimo ibyuya, amacandwe, n’ibindi biva mu mubiri.