Basketball: Icyo imibare ivuga ku mikino ya shampiyona iteganyijwe igomba kugaragaza amakipe azakina playoffs

Tariki 16 Kanama 2024 muri BK Arena harabera imikino ya shampiyona igomba kugaragaza amakipe ane azakina imikino ya kamarampaka.

Amakipe ane ariyo REG BBC, Patriots BBC, Espoir BBC na APR BBC ahatanira kuzakina imikino ya kamarampaka (Playoggs) arahira muri BK Arena, imikino ya kamarampaka niyo igaragaza ikipe yegukana shampiyona ndetse ikabona n’itike y’imikino ya BAL.

Icyo imibare ivuga kuri iyi mikino kuri aya makipe ane?

APR BBC niyo iyoboye urutonde rwa shampiyona rw’gateganyo n’amanota 33  mikino 17, ikaba isigaje umukino umwe iri bukine  na Patriots BBC.

Patriots BBC iri ku mwanya wa kabiri ku rutonde rwa shampiyona rw’gateganyo n’amanota 30 mu mikino 15 bivuze ko ntamukino n’umwe iratakaza, nyuma yo gukina na APR BBC iraba isigaje imikino ibiri.

APR BBC n’itsinda uyu mukino iragira amanota 35, ihite irusha Patriots BBC amanota ane mu gihe Patriots BBC iri bube isigaje  imikino ibiri ifite amanota ane (4) igihe yayitsinda igahita inganya na APR BBC maze bakareba imikino yayihuje kugira ngo hamenyekane iya mbere.

Mu gihe Patriots BBC yatsinda uyu mukino yahita igira amanota 32 ,bivuze ko mu mikino ibiri yaba isigaje byaba biyisaba gutsinda umukino umwe gusa.kuko yahita igira amanota 34 bivuze ko igihe yatsindwa umukino umwe yahita igira amanota 35 igahita irangiza ku mwanya wa mbere.

Umukino ubanza wahuje aya makipe  Patriots BBC yatsinze APR BBC amanota 73 kuri 59 , harimo ikinyuranyo cy’amanota 14.

Kugira ngo APR BBC yizere kugumana umwanya wa mbere bidasubirwaho muri shampiyona y’uyu mwaka isabwa gutsinda Patriots BBC iyirusha amanota ari hejuru ya 14 kuko iyo amakipe anganyije amanota hahita harebwa ikinyuranyo cy’amanota mu mikino yayahuje. 

Undi mukino utegerejwe kuri uyu wa gatanu urahuza REG BBC na Espoir BBC, uyu mukino ufite icyo uvuze cyane kuri Espoir BBC.

REG BBC iri ku mwanya wa gatatu ku rutonde rwa shampiyona rw’agateganyo n’amanota 28 mu mikino 16, ni amanota inganya na Kepler BBC iri ku mwanya wa kane gusa Kepler BBC yarangije imikino yayo mu gihe REG BBC isigaje imikino ibiri harimo n’uwo ikina na Espoir BBC ndetse n’uwo izakina na Patriots BBC.

Espoir BBC iri ku mwanya wa gatandatu n’amanota 26 mu mikino 17 bivuze ko isigaje umukino umwe ikina na REG BBC.

REG BBC gutsinda cyangwa gutsindwa uyu mukino bisa nkaho ntacyo byayihinduraho ku rutonde rwa shampiyona.

Espoir BBC yo ifite akazi katoroshye imbere ya REG BBC kugira ngo ibone itike yo kuzakina imikino ya kamarampaka  (Playoffs). Irasabwa gutsinda uyu mukino, kuko niramuka itsinze uyu mukino irahita igira amanota 28 Aho iba iyanganya na KEPLER BBC. kuko bahita banganya amanota, ariko mu mikino yabahuje Espoir BBC irusha KEPLER BBC.

Bivuze ko KEPLER BBC yo irasaba ngo REG BBC itsinda Espoir BBC kugira ngo ibone umwanya wa kane uyemerera kuzakina imikino ya kamarampaka uyu mwaka.

Umukino ubanza wa shampiyona Espoir BBC yari yatsinze REG BBC amanota 88-71.

REG BBC nayo iheruka gutsinda Espoir BBC  muri Rwanda Cup, Aho  yatsinze amanota 98-72.

Ese uyu munsi REG BBC irongera itsinde Espoir BBC iyibuze kuza mu makipe ane ya mbere cyangwa Espoir BBC irongera itsinde REG BBC nk’uko yayitsinze mu mukino ubanza wa shampiyona?