Abantu bataramenyekana bibye Ibendera ry’Igihugu

Mu Mudugudu wa Murambo, Akagari ka Marembo, mu Murenge wa Cyungo ho mu Karere ka Rulindo, abantu bataramenyekana bibye ibendera ry’Igihugu ku kigo cy’amashuri cya Ecole Primaire Murambo mu ijoro ryo ku wa Gatandatu rishyira ku Cyumweru tariki ya 02 Kanama 2024. Kuva ubwo, ubuyobozi bufatanyije n’abaturage bakomeje gushakisha iryo bendera ariko kugeza ku wa Kane tariki 08 Kanama 2024, ntiryari ryaraboneka.

Amakuru avuga ko nyuma y’uko iryo bendera ryibwe, abaturage babikuye muri Midugudu ihana imbibi na icyo kigo ariko ntibashobora kuribona. Byanagaragajwe ko abasore bashinzwe gucunga umutekano kuri icyo kigo batari bafite ubushobozi buhagije bwo gukora akazi k’izamu.

Umwe mu baturage yavuze ko bakoreye igikorwa cyo gushakisha iryo bendera mu Midugudu itandukanye bayobowe n’Umunyamabanga Nshingwabikorwa w’Akagari, uw’Umurenge na DASSO, ariko bakaba batarashoboye kuribona. Kubera iyo mpamvu, abasore b’abazamu barindaga icyo kigo batawe muri yombi ngo bakorweho iperereza. Umuturage w’umugore, ufite umugabo watwawe na polisi mu iperereza, yavuze ko umugabo we yari yagiye ubwo iryo bendera ryibwaga, akaba yifuza ko bamurekura.

N’ubwo habayeho kugerageza kuvugisha ubuyobozi bw’Umurenge wa Cyungo n’Akarere ka Rulindo, ntibyashobotse. Gusa, amakuru avuga ko abatawe muri yombi ari abantu batanu barimo abarindaga icyo kigo ndetse n’abahoze bakirinda.