Polisi yamaze impungenge ku mikorere ya Camera zigenzura umuvuduko

Polisi y’u Rwanda yatangiye gukoresha camera zigenzura umuvuduko mu 2019, aho camera ya mbere yashyizwe i Kanzenze mu Karere ka Bugesera. Nyuma yo kubona umusaruro mwiza, camera zashyizwe ahandi hantu nka Nyagasambu, Kamonyi, Ryabega, na Kanyinya. Ubu, izi camera ziri hose mu mihanda y’u Rwanda, harimo no mu Mujyi wa Kigali no mu ntara.

Camera zigenzura umuvuduko zigamije guteza imbere umutekano wo mu muhanda. Hari ubwoko bubiri bwa camera: izishinze ku mihanda (zitwa ‘Sophia’) n’izimurwa n’abapolisi. Izi camera zitanga amahirwe ku batwara ibinyabiziga, kuko zigena umuvuduko w’inyongera wa 10% ku muvuduko ntarengwa wateganyijwe.

Harimo kandi camera zigenzura imikorere y’amategeko y’umuhanda mu masangano y’imihanda, zihana amakosa yo kutubahiriza amabwiriza y’amatara y’umuhanda (Feux Rouge), inzira z’abanyamaguru, no kugendera mu gisate cy’umuhanda kitari icyawe.

Izi camera zifasha kubungabunga umutekano w’abakoresha umuhanda no gushyigikira iterambere rirambye ry’igihugu.