Volleyball: Police WVC na Kepler VC nizo zegukanye irushanwa ryo Kwibohora 2024 (Liberation Cup2024)

Tariki 28 Nyakanga 2024 nibwo hakinywe imikino ya nyuma ndetse n’umukino w’umwanya wa gatatu mu irushanwa ryo kwibohora(Libération Cup2024) ryabaga ku nshuro yaryo ya kabiri.

Habanje Umukino wa nyuma mu Bagore,aho Police WVC yaje kwegukana igikombe cya kwibohoro ku nshuro ya kabiri itsinze APR WVC Ku maseti atatu kurimwe 3-1 (25-27,13-25,25-26 na 25-20)

N’umukino utari woroshye ku mpande zombi, gusa APR WVC niyo yahabwaga amahirwe nk’ikipe yatwaye shampiyona. Gusa Police WVC yaje ubona ifite inyota yo gutwara iki gikombe Ku nshuro ya Kabiri yikurikiranya kuko no ku nshuro ya mbere niyo yari yaryegukanye.

Seti ya mbere ntiyari yoroshye Ku mpande zombi kuko yarangiye Ku manota 27 ya Police WVC Kuri 25 ya APR WVC.

Muri ri seti ya kabiri Police WVC yari hejuru kuko yatsinze APR WVC itagejeje ku manota 15,munsi ya cumi n’atanu (Sous quinze).

Kuri SETI ya gatatu APR WVC yagarukanye imbaraga maze iyitsinda ku manota 25-16.

Bahise bakina seti ya Kane, APR WVC yayitangiye neza,ndetse ikomeza kugenda imbere, gusa Police WVC yavuye inyuma, iyitsinda ku manota 25-20 maze ihita yegukana igikombe Ku nshuro ya kabiri yikurikiranya.

Nyuma y’umukino w’Abagore, hahise kakurikiraho umukino w’Abagabo wahuje Police VC na Kepler VC.

Uyu mukino ntiwari woroshye na gato ku mpande zombi warangiye Kepler VC itsinze Police VC amaseti 3-1 (25-18,20-25,25-20 na 25-18)

Seti ya mbere ntiyari yoroshye ku mpande zombi, gusa Police VC yaje kugira intege nke, maze Kepler VC irabazamukana ibanyuraho , maze irangira  Kepler VC iyitsinze amanota 25-18.

Muri seti ya kabiri  Police VC yari hejuru kuko yayitsinze 25-20 ya Kepler VC .

Seti ya gatatu Kepler VC yagarukanye imbaraga kurusha muri seti ya Kabiri mu gihe wabonaga Police VC  nta mbaraga irimo gukoresha nyinshi nkizo yakoresheje muri seti ya kabiri.

Iyi seti yaje kwegukanwa na Kepler itsinze amanota 25-20.

Bahise bakina seti ya Kane, Police VC yayitangiye neza,ndetse ikomeza kugenda imbere, gusa Kepler VC yavuye inyuma, iyitsinda ku manota 25-18 maze ihita yegukana igikombe cyo Kwibohora Ku nshuro ya mbere arinabwo yariryitabiriye.

Ku mwanya wa gatatu mu Bagore wegukanywe na RRA WVC itsinze Ruhango WVC amaseti 3-0 (25-16,25-19 na 25-16).

Mu Bagabo umwanya wa gatatu wegukanywe na APR VC itsinze REG VC amaseti 3-0(25-21,27-25 na 25-23).

Amwe mu mafoto yaranze umukino was nyuma mwirushanwa ryo kwibohora 2024 ku nshuro ya kabiri.

Forzza Betting yari mu muterakunga w’irushanwa ryo kwibohora 2024. ushobora gutega ku mikino itandukanye