Volleyball: Amakipe y’Umutekano na Kepler zageze ku mukino wa nyuma wa Liberation Cup2024

Kuva tariki 26 kugeza tariki 28 Nyakanga 2024 muri Petit Stade Amahoro i Remera hari kubera imikino ya Liberation Cup 2024 ,iri kuba ku nshuro yayo ya kabiri.

Iyi mikino yitabiriwe n’amakipe yarangije shampiyona ari mu myanya ine ya mbere mu Bagabo ndetse n’Abagore.

Iyi mikino yahereye muri 1/2 Aho itsinda igomba guhita ijya Ku mukino wa nyuma.

Habanje umukino w’abagore wahuje APR WVC yabaye oya mbere na Ruhango WVC yabaye iya kane. Uyu mukino waje kurangira nk’uko byari byitezwe APR WVC itsinze amaseti 3-0 (25-13, 25-20 na 25-13). Nyuma yo gutsinda uyu mukino yahise ibona itike yo gukina umukino wa nyuma,hagati ya Police WVC na RRA WVC. Uyu mukino nawo waje kurangira Police WVC itsinze RRA amaseti 3-1(25-21,19-25,25-20 na 25-17)

Nyuma y’uko umukino w’ahuzaga Abagore warurangiye hakurikiyeho umukino w’Abagabo wahuje Police VC na APR VC, umukino utari woroshye,Aho Police VC yatsinze APR VC amaseti 3-1(25-23,23-25,25-22,25-29)

APR VC yatangiye umukino isa n’ihuzagurika, Police VC yayitsinze amanota 3 ya mbere ariko nayo ihita itsinda abiri, amakipe yakomeje kugendana yegerana ariko Police VC iri imbere.

APR VC yaje kuyifata ubwo bari bageze ku manota  14, gusa Police VC yahise ishyiramo ikinyuranyo aho yahise itsinda andi manota 3 APR VC itaratsinda.

APR VC yaje gukuramo aya manota ariko n’ubundi Police VC ikomeza kuyijya imbere.

Police VC yaje gutsinda seti ya mbere ku manota 25-23.

Nk’uko byari byagenze muri seti ya mbere, Police VC yongeye kugenda iyoboye seti ya 2 aho yagize amanota 15 APR VC ifite11, APR VC yaje gukuramo iki kinyuranyo aho bagejeje amanota 17-17, APR VC yahise ijya imbere na yo iyobora umukino kugeza itwaye iseti ku manota 25-23.

Police VC yagarukanye imbaraga nyinshi ndetse iri hejuru cyane yaje gutsinda seti ya 3 ku manota 25-22, ihita igira amaseti 2-1.

Police VC yaje no gutsinda seti ya 4 ariyo ya nyuma kuko APR VC iyo iyitsinda bari gukina seti ya gatanu ya kamarampaka.

Gusa ntibyakunze kuko Police VC yaje kuyitsinda k’umanota 25-19. Police VC ihita igera ku mukino wa nyuma aho igomba guhura na Kepler VC yatsinze REG VC amaseti 3-0 (25-15,25-13,25-19)

Umukino wa nyuma uzaba tariki 28 Nyakanga 2024 Aho mu Bagabo Police VC izahura na Kepler VC naho mu Bagore APR WVC ihure na Police WVC.

Iyi mikino ya nyuma izabanzirizwa n’imikino yo guhatanira umwanya wa Gatatu mu Bagabo no mu Bagore izatangira ku isaha ya Saa tanu (11H00) iyi mikino yose izabera muri Petit Stade Amahoro i Remera.

Umwanya wa gatatu mu Bagore: RRA VC vs Ruhango VC

Umwanya wa gatatu mu Bagabo: APR VC vs REG VC

Umukino wa nyuma mu Bagore: APR WVC vs Police WVC

Umukino wa nyuma  mu Bagabo: Police VC vs Kepler VC.

Kwinjira muri iyi mikino yose n’amafaranga 5000 Frw, umuntu akareba imikino yose y’Umunsi.

Gura itike hakiri kare unyuze kuri iyi link Ticqet.rw, kuko imyanya irabaze.