Dr. Deo Lukyamuzi Kizito, wari usanzwe ari inzobere mu kubaga mu bitaro bya Case biherereye i Nsambya muri Uganda, yirukanywe azira kuvuga ko aziyamamaza mu matora ya Perezida ateganyijwe muri Mutarama mu 2026.
Dr. Deo Lukyamuzi Kizito yirukanywe ku wa 16 Nzeri 2025.
Ubuyobozi bw’ibitaro bya Case bwavuze ko bwirukanye Dr. Deo Lukyamuzi, kuko yafashe uruhande muri politike kandi ari ibintu bitemewe ku bigo bitanga serivisi z’ubuvuzi.
Ntabwo ari ubwa mbere Dr. Deo Lukyamuzi agerageje Kwinjira muri politike. Ni inyota yagize bwa mbere mu 2011 ubwo yiyamamariza kuyobora Akarere ka Masaka ariko ntiyahirwa.
Mu 2021 yafashe impapuro zimwemerera kwiyamamariza kuba Perezida ariko birangira atiyamamaje.
Dr. Deo Lukyamuzi yiyongereye kuri Robert Kyagulanyi n’abandi bamaze gutangaza ko bazahatana na Perezida Yoweri Kaguta Museveni mu matora y’umukuru w’igihugu.
What do you feel about this post?
Like
Love
Happy
Haha
Sad
